https://www.ivelt.com/forum/viewtopic.p ... 6&start=75אני לא מבין אידיש כזו מסובכת. יש כאן חידוש?
עס איז דא אפאר נקודות וואס מען דארף נעמען אין באטראכט פאר מען מאכט מסקנות לגבי קבר מוקרט, ראשית כל איז דאס עקזיסטענץ פון אזא קבר נישט דאס פאנטאזיע פון הרב גבאי נישט נאר לגבי דעם מקור נאר אויך לגבי מסורה, רוב קברי צדיקים און א"י ארבעט אויף מסורה אין אזוי האט טאקע קדמונינו געבויט רוב פון זייער פלעצער {הגם נישט אלע כגון קבר רבי יהודה בן תימא, מערת הבבליים, קבר מרדכי ואסתר ועוד}, בנוגע די מסורה פון קבר מוקרט האב איך אישית'דיג געהערט פון ר' נ"ד שפירא וואס ער פלעגט ארומגיין צוזאמען מיט'ן איש המסורה ר' בערל זילברמן צו קברי צדיקים און אסאך פלעצער וואס קדמונינו האט באשטעטיגט קומט דורך אים, אז עס איז געווען א 4 עקדיגע מערה אויפ'ן וועג אראפ פון נבורייא קיין עמוקה וואס ר' בערל פלעגט באצייכענען אלס קבר מוקרט {און טאקע פאר א יאר צוריק זענען אפאר אירע געגאנגען בהדרכתו פון ר' נ"ד און געטראפן פארשטעקט אזא מערה וואס ר' נ"ד האט טאקע באשטעטיגט אז אזוי האט עס אוסגעזעהן, מען קען אבער נישט באשטעטיגן ענטגילדיגט ווייל עס קען זיין אז עס איז דא נאך מערות אזוי} היוצא מדברי אז עס איז זיכער געווען אזא מסורה אויף אזא קבר און געגענט, הגם עס קען טאקע זיין אז עס איז א טעות.
חוץ מזה איז דעם פאקט אז מען ווייסט נישט פון אזא תנא אדער אמורא נישט קיין סיבה אפצופרעגן ווייל עס איז פארהאן נאך אזעלכע קברים, כדוגמת קבר חזקיה ראש הגולה אין ארבל, קבר רב זיפאי און זיו {עס ווערט דערמאנט דורך רבי יצחק חיון} ועוד.
קודם וויל אייך זאגן, איר שרייבט פיין, מיר גלייכן אייער שריפט, שרייבט און שרייבט..
מ'קען זאגן מיט א ברירות אז בר נש מיטן נאמען "מוקרט" איז לא היה ולא נברא.
איך האף מיר וועלן קענען אריינברענגען כבוד "קאטשקע אויפן וואסער", ער מסביר זיין מיט מער טוב טעם ודעת די גאצע סומאכטענע.
אבער דערווייל וועלן מיר אייך זאגן אין קורצן, די גאנצע טעות פון זאגן אז עס איז געווען א בר נש מיטן נאמען "מוקרט" קומט פון ספר "סדר הדורות". אינכם מפתח פון דעם ערשטן דרוק פון סדר הדורות ברענגט ער דארט אז עס לכאורה נישט געווען קיין תנא אדער אן מיטן נאמען "מוקרט".
בדרך אגב איר האט אויך געשריבן וועגן א תנא/אמורא מיט נאמען "רבי יוסי חטופה" דאס איז אויך א טעות וואס גראדע דער "סדר הדורות" פלאגט זיך שוין דערמיט. ער וויל עפעס פרובירן צו זאגן רבי יוסי בן חטוף, אבער נישט "רבי יוסי חטופה".
ועוד חזון למועד, צו שרייבן נאך הערות אויף אייער אויבישטער מאמר.